Arestado ang usa ka lalaki sa gipahigayong Drug Buy-bust operation sa mga personahe sa Titay Municipal Police Station sa Purok Boundary, Barangay Moalboal, Titay, Zamboanga Sibugay niadtong nakalabay nga adlaw.
Naila ang dinakpang residente sa Barangay Achasol, sa nasampit nga lungsod og probinsya kung asa nakuha sa iyang posisyon ang 3 ka pakete sa gituohang shabu nga gibanabanang motimbang sa 1 ka gramo nga nagkantidad sa Php6,800.00.
Nakuha usab kaniya ang nagkadaiyang drug paraphernalia kung asa gipahigayon ang imbentaryo sa presensya sa Barangay official og Media representative nga migamit ang mga operatiba og Alternative Recording Device alang sa dokumentasyon.
Sa kasamtangan, ang dinakpan anaa sa kostudiya sa Titay MPS alang sa hustong disposasyon.
