Nakarekord ang NBA playoffs karong 2026 og pinakataas nga TV ratings sulod sa halos tulo ka dekada, sumala sa report sa liga.
Matod sa NBA, ang first two rounds sa playoffs nakakuha og average nga 4.5 million viewers kada dula. Gi-ere kini sa ABC, ESPN, ug mga bag-ong partners sama sa NBC/Peacock ug Amazon Prime Video. Kini matud pa ang pinakataas nga average viewership sukad pa niadtong 1997 o hapit 29 ka tuig na ang milabay.
Sa laing report, ang Game 7 sa Eastern Conference semifinals tali sa Cleveland Cavaliers ug Detroit Pistons nakakuha og 6.53 million viewers. Mas taas kini kumpara sa parehas nga dula sa miaging tuig.
Kahibaloan nga ang Cavaliers mao ang nidaug ug nakasulod sa Eastern Conference Finals kontra New York Knicks.
Dugang pa, padayon ang excitement sa playoffs tungod ang San Antonio Spurs nakadaog usab sa unang duwa sa Western Conference Finals batok sa defending champion Oklahoma City Thunder sa overtime game.
Photo Courtesy: NBA on ClutchPoints
