Gimanduan ang Philippine National Police (PNP) ug National Bureau of Investigation (NBI) sa pag-aresto kang Senador Ronald “Bato” dela Rosa.
Sa usa ka press briefing, gikumpirma ni Department of Justice Secretary Frederick Vida nga usa na ka “fugitive from justice” si Senador Bato ug kinahanglang dad-on ngadto sa International Criminal Court (ICC) aron atubangon ang mga kaso batok kaniya.
Sumala sa opisyal sa DOJ, kini subay sa giluwatan nga arrest warrant sa ICC nga “valid” o adunay gahom.
Sa pagkakaron wala pay pamahayag ang kampo sa senador kalabot sa nag-ung-ong nga pag-aresto sa kanhi hepe sa Philippine National Police (PNP).
Kahinumduman nga una nang ginganlan si Dela Rosa isip usa sa mga co-perpetrators sa kasong crimes against humanity nga adunay kalambigitan sa giingong liboan nga pagpatay ubos sa kampanya batok sa ilegal nga droga sa administrasyong Duterte.
Photo courtesy: NBI/PNP
