Gipresentar sa Google niadtong Martes ang ilang bag-ong plano nga usbon ang iladong search bar ngadto sa usa ka AI assistant.
Pinaagi lang sa pagpangutana, mahimo na niini ang pagpa-book og lamesa sa restawran, pagsubay sa mga balita, ug pagkontak sa mga negosyo. Human sa tulo ka tuig nga pakigbisog nga makasabay sa ChatGPT, paspas karon ang Google sa pagpagawas sa mga artificial intelligence tools aron mas mapalig-on pa ang ilang kontrol sa online search.
Sa pagkakaron, ang Gemini AI app sa kompanya aduna nay 900 ka milyon nga monthly users, nga doble ang gidaghanon kompara sa miaging tuig. Kusog usab ang pagsaka sa ilang AI-powered search feature nga gitawag og AI Mode, diin nitala na kini og usa ka bilyon nga monthly users sa tibuok kalibutan.
Atol sa tinuig nga developer conference sa Google didto sa Mountain View, California, gipahibalo ni CEO Sundar Pichai ang sunod nga lakang: ang Gemini Spark, usa ka personal AI agent nga mamahimong magamit sugod sunod semana alang sa mga top-tier subscribers didto sa United States.
Photo Courtesy: Youtube/ Ai Revolution
