Sikop ang lalaki nga giilang Top 10 Most Wanted Provincial level pinaagi sa gilusad nga intelligence-driven law enforcement operation sa kapulisan sa Poblacion North, lungsod sa Polanco, Zamboanga del Norte niadtong Mayo 20 ning tuiga.
Giila ang dinakpan nga si alyas Jemor, 31 anyos kinsa nag-atubang sa kasong Qualified Rape of Minor nga gipagula sa Presiding Judge of the Family Court, Ninth Judicial Region, Branch 4, Dapitan City, Zamboanga del Norte pinetsahan ug Mayo 19, 2026.
Gipangunahan sa mga personahe sa ZN PIU ang maong operasyon kauban ang Polanco MPS, 901st MC RMFB 9 ug uban pang mga enforcement unit hinungdan sa malampusong pagkasikiop sa akusado.
Walay pyansa nga girekomendar ang korte batok sa akusado kinsa tingkagol sa prisuhan alang sa tukmang disposisyon.
Photo Courtesy: Polanco MPS
