Nahalin sa kapin ₱50 milyones ($905,000) ang usa ka karaan ug orihinal nga life jacket gikan sa nalunod nga barkong Titanic. Kini ang nag-inusarang life jacket sa Titanic nga nabaligya sulod sa 114 ka tuig ang nilabay.
Kahibaloan nga gisul-ob kini kaniadto sa First Class passenger nga si Laura Mabel Francatelli nga nakaluwas sa trahedya niadtong 1912. Ang “sosyal” nga life jacket adunay 12 ka bulsa ug may pirma pa sa tag-iya.
Gawas niini, naapil sab og kahalin ang usa ka unlan sa lingkoranan sa lifeboat sa kantidad nga ₱1.5 milyon ($27,000) ang presyo nga makapalit na unta og tibuok traysikol ug sofa sa Pinas.
Samtang wala usab gipanganlan ang nakapalit sa maong butang kong taga-asa kini, miani og reaksyon nga sobra matod pa sa kantidad sa bulawan ang among life jacket ug unlan nga narekober gikan sa barkong titanic.
Ang uban mipasundayag sa ilang emotion sa love story nila Jack ug Rose dungan sa pagkanta ug my money will go onlud este my Heart will go on.
Photo Courtesy:CNN/Beardy History
