Proud nga gipaambit ni Kim Atienza ang kalampusan sa iyang anak nga si Eliana Atienza human kini migradwar isip Summa Cum Laude sa University of Pennsylvania niadtong Lunes, Mayo 18.
Nakab-ot ni Eliana ang honors sa kursong Environmental Studies ug nakadawat usab og award alang sa iyang kontribusyon sa komunidad sa Pennsylvania.
Sumala kang Kuya Kim, daghang pagsulay ang giatubang sa iyang anak sulod sa upat ka tuig sa kolehiyo apan malampuson niyang nalampasan.
Sa iyang mensahe, gipadayag ni Kuya Kim ang iyang dakong garbo ug gugma alang sa anak. “We are mighty proud of you and we love you so much Eliana,” matud pa niya sa social media post.
Photo Courtesy: Free Beacon/ABS-CBN
