Gipahibalo sa mga kapulisan nga pito ka mga indibidwal ang namatay lakip na niini ang duha ka bulan nga batang babaye ug upat usab ang nasamdan sa nahitabong panagbangga tali sa usa ka trak ug Tricycle didto sa National Highway-31 sa Mansi area Bihar, Khagaria niadtong nakalabay nga adlaw.
Base sa report, nga ang tanang sakay sa tricycle nakabsan sa kinabuhi. Ang mga patayng lawas gilangkuban sa usa ka babaye, usa ka batang lalaki, ug upat ka mga lalaki.
Matod pa ni Deputy Superintendent of Police (Sadar) Mukul Kumar Ranjan nga ang mga naangol sa maong insidente daling gidala sa pinakaduol nga balay tambalanan alang sa medikal nga pag-atiman.
Sa pagkakaron, padayon pa nga ginaila sa mga otoridad ang pagkatawo sa mga biktima. Samtang ang Punong Ministro sa Bihar nga si Samrat Choudhary nagpahayag ug kasubo kabahin sa maong insidente.
Photo Courtesy: ndtv.com
