Niabot sa US$2.87 bilyon ng cash remittances gikan sa Overseas Filipino Workers (OFWs) niadtong Marso 2026, sumala sa Bangko Sentral ng Pilipinas (BSP). Taas kini ug 2.8 porsyento kumpara sa US$8.44 bilyon nga natala gikan sa Enero hangtod Marso 2025, nga nahimong US$8.68 bilyon sa samang panahon sa 2026.
Ang Estados Unidos nagpabilin nga nag-unang tinubdan sa mga remittance, gisundan sa Singapore ug Saudi Arabia. Kini nga mga nasud adunay daghang gidaghanon sa mga mamumuong Pilipino sa sektor sa kahimsog, teknolohiya, ug serbisyo.
Samtang, ang mga personal nga remittance – lakip na ang cash nga gipadala pinaagi sa mga bangko, informal channels, ug remittance in kind – niabot sa US$3.20 bilyon niadtong Marso 2026. Sa year-to-date nga basehan, miusbaw usab sila og 2.8 porsyento gikan sa US$9.40 bilyon niadtong Enero-Marso 2025 ngadto sa US$9.66 bilyon sa samang panahon sa 2026.
Importante ang mga remittance isip usa sa pinakadakong tinubdan sa reserbang foreign exchange sa Pilipinas.
Dako ang ilang kontribusyon sa kalig-on sa peso ug konsumo sa panimalay, tungod kay kadaghanan sa mga pamilya nga nakadawat og remittance naggamit niini alang sa pagkaon, edukasyon, ug balay.
Ang padayon nga pag-uswag sa mga remittances nagpakita sa kalig-on sa mga OFW bisan pa sa mga hagit sa kalibutan, apan ang nasud nagpabilin nga gihagit sa pagmugna og igong lokal nga trabaho aron ang ekonomiya dili hingpit nga magsalig sa mga remittance gikan sa gawas sa nasud.
Photo Courtesy: Mexico News Daily
