Nasikop sa mga kapulisan ang usa ka indibidwal atol sa gipatumang buy-bust operation sa Brgy. San Ignacio, Manay, Davao Oriental pasado alas 10:20 sa gabii niadtong Mayo 18, 2026.
Gihimo ang operasyon pinaagi na sa mga personahe sa Manay Municipal Police Station, ubos sa pagpanguna ni PMAJ ROSS C CABIGAS, COP kauban ang 1st Company DOPMFC ug PDEU nga nagresulta sa pagkasikop ni alyas “Rok.”
Narekober sa mga operatiba gikan sa suspetsado ang mga pinaugang dahon sa marijuana ug marked buy-bust money. Gilayong gimarkahan ug giimbentaryo sa lugar sa nahitaboan ang mga nasakmit nga ebidensya uban sa presensya sa mga testigo ug sa suspek mismo.
Sa pagkakaron, gikustodiya na ang dinakpan uban sa mga butang nga nakumpiska sa Manay Municipal Police Station alang sa hustong disposisyon.
Photo Courtesy: Manay MPS
