Giklaro sa National Food Authority Misamis Oriental nga padayon ang distribusyon sa tag-₱20 kada kilo nga bugas sa ilang redemption center sa Sitio Baloy, Barangay Tablon, Cagayan de Oro City.
Sumala kang Acting Branch Manager Khareen Retiza, dili na karon makita ang taas nga pila sa redemption center tungod sa bag-ong sistema ug solusyon nga ilang gipatuman aron mapaspas ang pag-apod-apod sa bugas.
Gipatin-aw usab nga ang bag-ong pamaagi makatabang sa paglikay sa kahasol sa mga benepisyaryo ug sa pagmintinar sa hapsay nga distribusyon sa subsidized rice program.
Padayon nga gi-awhag sa NFA-MISOR ang publiko nga mosunod sa mga giya ug iskedyul aron mas episyente ang pagkuha sa bugas sa ilang pasilidad.
Photo courtesy: NFA Misamis Oriental
