Giakomodar sa lokal nga panggamhanan ang sugyot sa pagpa-activate pag-usab sa Local AIDS Council isip dugang nga lakang sa pagpalig-on sa mga programa batok sa HIV/AIDS syudad sa Valencia
Kini ang gibutayg ni City Health Officer Atty. Michael Escalante atol sa kapehan kagahapon, diiin nasayran nga base sa datos sa tuig 2025, moabot sa 19 ka mga kaso sa HIV ang natala sa dakbayan.
Giklaro usab niini ang pag-ila sa mga kaso sa syudad resulta sa epektibong early detection ug padayon nga kampanya pinaagi sa mga programa ug serbisyo nga gihatag sa City of Valencia HIV and AIDS Support House (CV-HASH).
Andam ang maong pasilidad modawat sa mga indibidwal nga gustong magpa-test, magpakonsulta, ug magpatambal, samtang nagpalambo usab sa awareness ug prevention programs batok sa HIV/AIDS sa dakbayan.
Gipasabot usab nga wala ginatago sa lokal nga panggamhanan ang datos kalabot sa HIV cases ug nga adunay hustong proseso sa pagpagawas niini. Giila usab nga importante ang transparent nga pagpahibalo sa datos aron mapalambo ang awareness sa publiko ug mas mapalig-on pa ang kampanya batok sa HIV/AIDS.
Dugang pa, adunay suporta gikan sa Department of Health (DOH), lakip ang paghatag og libreng tambal alang sa mga out-patients aron masiguro ang padayon nga pag-atiman sa mga pasyente.
Gilaoman sa umaabot bulan sa Hunyo, gibana-banang 2,000 ka mga estudyante sa 3rd year ug 4th year high school ang ipatawag alang sa usa ka lapad nga awareness seminar isip kabahin sa kampanya sa pagpataas sa kahibalo kabahin sa HIV/AIDS ug paglikay niini.
Photo Courtesy: LGU – Valencia City
