Nagmabungahon ang Summer Grassroots Program 2026 sa Cebu City Sports Commission human makahatag og libreng sports training ngadto sa dul-an 3,000 ka kabatan-onan nga nagpangidaron og 7 hangtod 14-anyos sa 26 ka lain-laing sports.
Matod ni CCSC Chairman Dr. Rhoel Dejano, nagpadala sila og mga coaches ug trainers alang sa duha ka buwan nga clinic aron matabangan ang mga bata nga magamit sa produktibo ug makahulugang paagi ang ilang summer vacation samtang gidasig sila sa pagpadayon og aktibong pamaagi sa kinabuhi.
Gipasabot usab ni Dejano nga tumong sa programa ang pagdiskubre og bag-ong talento ug pagpalambo sa potensyal nga mga atleta sa dakbayan.
Nagpasalamat usab siya nila Mayor Nestor Archival, Vice Mayor Tomas Osmeña, mga konsehal, coaches, trainers, ug ginikanan nga mitabang sa kalampusan sa programa.
Mipadayag si Archival og kalipay sa positibong resulta sa proyekto ug misaad nga ipadayon kini sa umaabot nga mga tuig pinaagi sa paglaan og pondo aron masuportahan ang padayon nga sports development sa kabataan sa Cebu City.
Photo Courtesy:PHILSTAR
