Gipadayag ni Erwan Heussaff nga wala siyay problema sa ma-partner ang iyang asawa nga si Anne Curtis sa ubang leading men sa industriya sa showbiz.
Matod ni Erwan, dugay nang bahin sa karera ni Anne ang pakig-love team ug pagtrabaho uban sa lain-laing aktor bisan sa wala pa sila magkaila ug nagminyo. Tungod niini, wala siyay katungod matod pa sa pagdikta kon unsa ang angay buhaton sa aktres o usbon ang iyang personalidad ug propesyon.
Gipasabot usab ni Erwan nga importante alang kanila ang pagsalig ug pagsinabtanay isip magtiayon, ilabina kay kabalo siya sa dedikasyon ug propesyonalismo ni Anne sa iyang trabaho sa entertainment industry.
Bisan pa sa ka-busy sa ilang tagsa-tagsa nga karera, padayon nga makita sa publiko ang lig-on nilang relasyon ug suporta sa usag usa, hinungdan nga daghang netizens ang nakadayeg sa ilang mature nga pagtan-aw sa kaminyoon ug showbiz career.
Photo Courtesy: FEATR Media
