Nagpositibo sa gunpowder residue ang giingong drayber sa National Bureau of Investigation (NBI) nga nadakpan human sa pagpamusil sulod sa Senado niadtong miaging semana.Β
Sumala sa Southern Police District (SPD), ang resulta gikan sa paraffin test nga gihimo sa Scene of the Crime Operatives (SOCO), nga gigamit aron masuta kung adunay lama sa pulbura sa kamot sa usa ka tawo.
Giila ang suspek nga si Mel Oragon, 40-anyos, kinsa nadakpan human madungog ang pila ka buto sa pusil sa Senado niadtong Miyerkules sa gabii.Β
Narekober gikan kaniya ang usa ka sling bag nga adunay 30 ka bala sa 5.56-caliber, usa ka taas nga magasin nga may 26 ka bala, ug usa ka mubo nga magasin nga adunay 15 ka bala sa 9mm.
Bisan pa niini, giingon sa kapulisan nga padayon pa ang imbestigasyon ug wala pay klarong ebidensya nga siya gayud ang nagpabuto sa pusil.
Gipasakaan na si Oragon og kaso lakip ang paglapas sa Comprehensive Firearms and Ammunition Regulation Act, alarm and scandal, kagubot sa publiko, ug pagsupak sa otoridad.
Nahitabo ang insidente pipila lang ka adlaw human motunga pag-usab sa Senado si Senador Ronald Dela Rosa, nga dugay nga wala makita tungod sa mga balita bahin sa posibleng warrant of arrest gikan sa International Criminal Court (ICC).
Photo Courtesy: Mindanao Expose News
