Gidagsa sa mga fans ang singer-actor nga si Brent Manalo atol sa ticket selling event alang sa iyang umaabot nga extended play o EP nga “Loverboy.” Matod pa ni Brent, adunay lima ka kanta ang EP ug lakip sa iyang paborito ang “Hiya,” “Tell Me How,” ug “Malay Ko.”
Gibutyag usab ni Brent nga gusto unta niyang makakompose og kaugalingon nga kanta para sa EP apan wala kini maapil tungod sa iyang dagsang schedule. Bisan pa niini, iyang giingon nga personal gihapon para kaniya ang proyekto ilabi na ang kantang “Pareho Tayong Nahihiya” tungod sa makahuluganon ug relatable nga mensahe niini.
Gikumpirma usab sa aktor nga ang “Malay Ko” mao ang iyang rendition sa kanta ni Daniel Padilla. Dugang niini, iyang gipasalamatan ang mga fans ug giingon nga ang maong EP alang gyud kanila isip pasalamat sa ilang padayon nga suporta.
Gilauman usab nga mahimong espesyal ug intimate nga bonding moment tali ni Brent ug sa iyang supporters ang “Loverboy” launch nga himuon sa Mayo 22 sa SM North EDSA Skydome. Samtang padayon usab siyang busy sa iyang acting projects lakip na ang serye nga The Secrets of Hotel 88 nga iyang gihulagway nga usa sa pinaka-challenging apan fulfilling nga proyekto sa iyang karera.
Photo Courtesy: IMDb
