Gipahigayon ang “Fellowship and Awarding Ceremony” sa Southern Bukidnon Cluster nga gipangunahan ni Sir Richard Soriano Villaronte ang Founder and Chairman sa Juander Radyo Loyalista Incorporated, karong adlawa Mayo 19, 2026 sa Purok 2, North Poblacion, Maramag, Bukidnon, diin nagtigom ang mga coordinators alang sa usa ka makahulugang selebrasyon sa panaghiusa ug pag-ila sa ilang serbisyo.
Tumong sa maong kalihokan ang pagpasalamat ug paghatag og pag-ila sa mga coordinators nga nagpakita og dugay nga dedikasyon ug matinud-anong boluntaryong pagserbisyo sa organisasyon. Sa maong awarding ceremony, adunay 12 ka coordinators nga gipasidunggan alang sa ilang 10 ka tuig nga boluntaryong serbisyo, samtang 20 ka coordinators ang kapin lima ka tuig sa serbisyo. Ang matag usa nakadawat sa plaque of recognition ug cash award nga gitunol mismo ni sir Richard Soriano Villaronte inabagan sa Network Special Project Head ma’am Ruby Burlaos.
Atol sa maong kalihokan dako ang pasalamat ni sir Richard Soriano Villaronte sa matag usa sa makanunayong pagserbisyo sa organisasyon sa kinatibuk-ang 39 ka coordinators sa Southern Bukidnon Cluster nga gipangulohan ni Emelda Yamit.
Samtang gipasalig usab sa mga miyembro, ang padayon nga suporta ug pagtinabangay sa matag-usa. Nagmalampuson ang maong selebrasyon uban sa paglaum nga magpadayon ang kooperasyon, dedikasyon, ug maayong pagserbisyo sa matag miyembro alang sa kaayohan sa organisasyon.
