Gibutyag sa kapulisan nga mokabat sa 10 ka mga indibidwal ang namatay niadtong Lunes, Mayo 18 human sa nahitabong panagbangga tali sa usa ka trak ug usa ka pampasaherong van sa amihanang bahin sa Uttar Pradesh, India.
Base sa report, nga siyam ka mga indibidwal ang nakabsan gilayon sa kinabuhi human sa insidente, samtang usa ang kritikal ang kahimtang apan sa ulahi namatay ra nga anaa sa balay tambalanan.
Dugang pa, sa mga otoridad nga ang drayber sa trak miikyas gilayon sa wala matino nga direksyon human sa panghitabo. Gikataho sa kapulisan nga ang drayber sa trak gikan sa pikas direksyon nga giingong nawad-an og kontrol sa iyang sakyanan ug nabanggaan niini ang depasaherong van.
Nasayran nga kasagarang adunay mahitabo nga aksidente sa sa India tungod na sa sobra nga karga, dili maayo nga kahimtang sa mga dalan ug walay pagtagad nga pagmaneho.
Sumala ni Nitin Gadkari, pederal nga ministro sa transportasyon nga ang India nakarekord na sa hapit tunga sa milyon nga mga aksidente sa kadalanan.
Photo Courtesy: The Hindu
