Kapin sa 500,000 ka kustomer sa Manila Electric Co. (Meralco) ang apektado sa pipila ka mga dapit sa Luzon. Kini human gilista sa National Grid Corporation ang Luzon grid ngadto sa red alert.
Matod sa utility company, lakip sa apektadong mga konsumidor mao ang mga bahin sa Bulacan, Cavite, Lahuna, Metro Manila, Quezon ug Rizal. Ang manual load dropping o rotational brownout milungtad og mga tulo ka oras sa daghang mga lugar.
Ang kompanya magpadayon sa pag-monitor pag-ayo sa sitwasyon ug pagdumala sa sistema. Kahinumduman nga niadtong Biyernes, Mayo 15, nasinati sa nasud ang kaylap nga pagpalong sa kuryente hinungdan nga wala nay kuryente ang minilyon ka mga residente taliwala sa init nga panahon.
Sa pagkakaron, base sa grid alert status nga gi-issue sa NGCP, ang Luzon Grid ingon man ang Mindanao Grid nibalik na sa normal ug adunay igong suplay sa kuryente. Samtang ang Visayas grid nagpabilin sa yellow alert hangtod alas 8:00 sa gabii.
Photo Courtesy: NGCP
