Milagro nga walay nakabsan sa kinabuhi sa nahitabong dakong aksidente sa Provincial Road, Purok 20, Barangay Casisang, Malaybalay City kagahapon sa udto, Mayo 12, 2026.
Base sa report sa kapolisan, nawad-an og kontrol ang usa ka Isuzu Truck Tanker samtang naglawig sa kurbada nga bahin sa dalan dihang nibalitok sa wala nga bahin niini diin 70% sa lawas ang nagbitay na sa pangpang.
Tungod sa impact, naigo sa truck ang usa ka Ford Fiesta nga naka-parking lang sa gawas sa usa ka tindahan diin mibangga ang sakyanan sa koral ug nabuak ang bildo nga pultahan sa tindahan sa kakusog sa pagka-igo.
Lakip sab nga naigo sa tanker ang luyo nga bahin sa usa ka Ford Eco Sport nga paingon unta sa Valencia City ug misulay lang og likay sa aksidente. Bisan tuod og guba kaayo ang mga sakyanan ug ang gambalay sa tindahan, mapasalamaton ang mga otoridad nga walay nareport nga nasamdan o namatay sa maong hitabo.
Sa karon, ang driver sa truck tanker anaa na sa kustodiya sa Malaybalay City Police Station alang sa dugang imbestigasyon.
Samtang, estrikto nga checkpoint ug implementasyon sa traffic laws ang gimando karon ni Police Col. Oliver Navales, Provincial Director sa PNP Bukidnon aron malikayan ang susamang trahedya sa dalan
Photo Courtesy: Malaybalay City Police Station
