Gipahibalo sa Philippine National Police (PNP) nga andam nilang dakpon si Senador Ronald “Bato” dela Rosa bisan unsang orasa kalabot sa pagpatuman sa warrant of arrest gikan sa International Criminal Court (ICC).
Matod pa ni PBGen Randulf Tuaño ang tigpamaba sa PNP nga gimandoan ni Interior Secretary Jonvic Remulla ang PNP nga ipatuman lang ang contingency plan kung adunay kompirmadong ICC warrant. Gani, kinahanglang moagi sa saktong proseso ang kapulisan pinaagi sa Interpol ug court order.
Gihatagan kini ug gibug-aton ni Tuaño nga kinahanglang ipadala una ang warrant sa Interpol ug kinahanglang adunay katugbang nga kamanduan gikan sa lokal nga korte una mapatuman ang pagdakop.
Kahinumduman nga gikompirmar sa ICC nga niluwat sila og warrant of arrest batok kang Dela Rosa kalabot na sa pagpamatay niini samtang siya pa ang hepe sa kapulisan sa panahon sa administrasyon ni kanhi Presidente Rodrigo Duterte.
Sa laing bahin, kahinumdomang mihangyo si Senador Ronald “Bato” dela Rosa ngadto kang Presidente Ferdinand R. Marcos Jr. nga dili siya ipadala ngadto sa International Criminal Court (ICC) kung mapamatud-an man nga aduna siyay kasal-anan nga nabuhat.
Photo Courtesy: Inquirer
