Nasikop sa mga otoridad ang usa ka Street Level Individual atol sa gikasang anti-illegal drug operation pinaagi sa buy bust didto sa Barangay Sainz, Mati City, Davao Oriental pasado alas 10:30 sa gabii niadtong Mayo 12, 2026.
Ang operasyon gihimo sa mga personahe sa Mati City Police Station, kauban ang DOPPO PIU, PDEU DOPPO ug lain pang mga operatiba nga miresulta sa pagkasikop ni alyas “Payat”.
Narekober gikan sa dinakpan ang gibanabanaang Php 1,020.00 nga kantidad sa gituohang shabu lakip ang buy-bust money ug uban pang ebidensya nga may kalabutan sa operasyon.
Sa pagkakarun ang suspetsado anaa na sa kustodiya sa Mati City Police Station alang sa hustong disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Mati CPS
