Opisyal nang nagtapos ang love team nila Alexa Ilacad ug KD Estrada o mas nailhan isip KDLex. Sa iyang mensahe, nagpasalamat si Alexa sa tanang fans nga misuporta kanila sukad pa sa ilang pagsugod sa Pinoy Big Brother: Kumunity Season 10, nga Nasugdan ang maong season sa Pinoy Big Brother niadtong Oktubre 2021 ug nahuman kini niadtong Mayo 2022.
Sumala sa ilang fandom nga KDLex International Sweethearts, mutual o magkasinabot nga desisyon sa duha ang pagbulag isip love team tungod sa lain-laing sitwasyon ug external factors. Bisan pa niini, nagpabilin gihapon ang respeto ug panaghigalaay nila sa usag usa.
Niaging mga bulan, nagkagrabe usab ang mga espekulasyon nga adunay dili pagkasinabtanay ang duha tungod kay panagsa na lang sila makita nga magkauban. Apan gipatin-aw ni KD nga okay gihapon ang ilang relasyon bisan wala silay proyekto nga magkauban.
Sa pagkakaron, wala pa’y personal nga pahayag si KD apan iyang gi-repost ang opisyal nga statement sa iyang Instagram account.
Photo Courtesy: Daily Tribune
