Nangayo og suporta ang Department of Migrant Workers (DMW) Region 9 sa media aron mapalig-on ang ilang kampanya batok sa mga illegal recruiter sa Zamboanga Peninsula.
Sumala ni DMW 9 Regional Director Iris Gay Tangcalagan, dako kaayo ang papel sa media ug publiko sa pagtabang sa pagpahibalo ug pag-ila sa mga iligal nga recruitment activity, ilabi na kadtong makita sa social media sama sa facebook.
Giingon usab sa ahensya nga daghan na silang na-take down nga facebook pages nga gigamit sa illegal recruiters, ug nagpadayon sila sa koordinasyon sa ubang ahensya sa gobyerno aron mas mapaspasan ang pagpangita ug pagdakop sa mga responsable niini.
Samtang, nagpadayon ang DMW Region 9 sa ilang kampanya alang sa luwas ug legal nga paagi sa pagtrabaho sa gawas nasud sa tanang mga Overseas Filipino Workers.
