Temporaryong gisirad-an ang Government Service Insurance System (GSIS) karong adlawa Huwebes ang ilang pangunang opisina sa Pasay City ug gipatuman ang work-from-home arrangement human sa insidente sa pagpamusil sa duol nga Senate building.
Ang Senate complex, nga gipanag-iya ug giabangan sa GSIS ngadto sa Senado, tupad sa pangunang opisina sa state pension fund.
Ang ahensya miingon nga ang lakang gituyo aron masiguro ang kaluwasan sa mga empleyado, miyembro, pensioner, ug mga bisita.
Gitambagan sa GSIS ang mga miyembro ug pensioner nga ipadayon ang paggamit sa mga online platform alang sa mga transaksyon.
Ang mga kliyente nga nanginahanglan og over-the-counter nga serbisyo gitambagan nga moadto sa GSIS Quezon City Branch sa Elliptical Road sa Diliman.
Ang advisory miabot human sa nagkataas nga tensyon sa seguridad sa Senado nga may kalabutan sa giingong warrant sa International Criminal Court batok kang Senador Ronald “Bato” dela Rosa, kinsa karon anaa sa kustodiya sa Senado, ug ang gipaabot nga impeachment proceedings batok kang Bise Presidente Sara Z. Duterte.
Photo Courtesy: Philippine News Agency
