Gi-report nga si Brandon Clarke, forward sa Memphis Grizzlies, namatay sa edad nga 29, sumala sa pahayag sa iyang team.
Sa pamahayag sa Grizzlies, ilang gipadayag ang dakong kasubo sa iyang “tragic loss,” ug giila siya isip maayong teammate ug respetadong miyembro sa ilang organisasyon ug komunidad sa Memphis.
Ang iyang management company nga Priority Sports miingon usab nga grabeng kalibog ug kasubo ang ilang gibati sa iyang pagpanaw, ug giila si Clarke isip usa ka tawo nga malumo ug pirmi motabang sa iyang pamilya ug mga higala.
Wala pa gipadayag ang opisyal nga hinungdan sa iyang kamatayon. Si NBA Commissioner Adam Silver nagpaabot usab og pakig-ambit sa pagbangotan, nga naghisgot sa iyang dedikasyon ug “grit” isip usa ka player.
Si Ja Morant usab, star sa Grizzlies, mi-post og tribute ug miingon nga “it’s bigger than basketball.”
Si Clarke usa ka 21st overall pick sa 2019 NBA Draft ug nakakuha og All-Rookie honors sa iyang unang season. Naka-sign siya og long-term contract sa Grizzlies ug nakasinati og injuries sa mga miaging season nga nakaapekto sa iyang playing time.
Photo Courtesy: Yahoo sports
