Nakig-negosasyon karon ang US sa Denmark bahin sa planong pagpalapad sa mga base militar niini sa Greenland. Nasayran nga gituyo sa Estados Unidos nga magtukod og tulo ka bag-ong base militar sa habagatang bahin sa Greenland isip pagpangandam sa posibleng kalihokan sa Russia ug China sa rehiyon sa North Atlantic.
Madumduman nga una nga nag-conflict ang Denmark sa U.S. matapos gi-anunsyo sa US nga okuparon ni Presidente Donald Trump ang nasangpit nga isla kasunod sa kahadlok nga makuha kini sa Russia ug China. Bisan pa, ang Denmark ug Greenland kusganong misupak sa bisan unsang ideya sa pag-annex sa teritoryo.
Bisan pa niini, nagpadayon ang diplomatic talks tali sa duha ka nasud diin gikompirmar sa Denmark nga aduna silay nagpadayon nga negosasyon sa Estados Unidos kalabot sa posibleng dugang presensya sa militar sa Greenland, apan nagdumili sila paghatag sa dugang detalye.
Photo Courtesy: Air Force Technology
