Gidagsa sa mga residente sa Barangay Tacupan, Carmen, Cotabato ang libreng Medical-Dental Outreach nga gihatod sa Provincial Government sa North Cotabato kagahapong adlawa, Mayo 12, 2026. Gipangulohan kini sa Integrated Provincial Health Office (IPHO) uban sa Rural Health Unit sa nahisgutan nga lungsod.
Tumong sa maong kalihokan nga mapalapdan ang access sa serbisyong panglawas, ilabina sa mga lumulupyo sa layo, ug kulang og access sa health facilities. Naghatag kini og libreng check-up, tambal, ug uban pang health services alang sa komunidad.
Sa pagbisita ni Gobernadora Emmylou Taliño-Mendoza, iyang giawhag ang mga residente nga pahimuslan ang libreng serbisyo sa kapitolyo, aron mabatukan ang mga balatian.
