Nagplano ang Jollibee Foods Corporation og posibleng pagsaka sa presyo sa ilang mga produkto human maapektuhan ang ilang kita tungod sa nagpadayong geopolitical tensions sa nagkalainlaing bahin sa kalibutan. Lakip sa gi-review sa kompanya ang ilang expansion plans aron makontrol ang epekto sa nagkataas nga operational costs.
Matod sa kompanya, nakaapekto sa ilang negosyo ang pagsaka sa presyo sa mga imported raw materials, shipping costs ug uban pang gastohan nga resulta sa tensyon sa internasyonal nga merkado.
Gipasalig usab sa Jollibee nga ilang paningkamutan nga mapadayon ang kalidad sa serbisyo ug pagkaon bisan adunay posibilidad sa price adjustments. Gilauman nga ilang ipahibalo sa umaabot nga mga bulan ang final nga desisyon bahin sa pagsaka sa presyo ug mga plano sa pagpalapad sa ilang operasyon.
Photo Courtesy: Philstar.com
