Mas gipahugtan sa Philippine National Police o PNP ang seguridad sa palibot sa Senate of the Philippines human mogawas ang balita kalabot sa giingong arrest warrant gikan sa International Criminal Court batok kang Ronald dela Rosa. Giingon sa PNP nga ilang tumong mao ang pagmintinar sa kalinaw ug kahapsay sa lugar.
Matod ni PNP chief nga si Jose Melencio Nartatez Jr., nagdugang sila ug mga pulis tungod sa pagtapok sa mga raliyista ug sa nagkainit nga sitwasyon gawas sa Senado. Giingon usab niya nga ang mga pulis didto para lamang sa seguridad ug dili aron maghimo dayon ug dakop.
Mas nisamot ang atensyon sa publiko human ipakita ni Antonio Trillanes IV ang giingong ICC warrant batok kang Dela Rosa ug miingon nga posible kini ma-serve bisan sulod sa Senado. Nakita usab sa lugar ang mga personnel gikan sa National Bureau of Investigation o NBI ug uban pang police units.
Bisan nahuman na ang rally, magpadayon gihapon ang PNP sa pagbantay sa palibot sa Senado. Giingon sa kapulisan nga ilang sundon ang hustong proseso sa balaod ug magpabiling andam sa bisan unsang posibleng mahitabo.
Photo Courtesy: Daily Tribune
