Nakarekord og dakong kalampusan ang Bukidnon State University human usa sa ilang graduate ang nanguna sa March 2026 Licensure Examination for Professional Teachers o LEPT.
Si Princess Willah M. Yamahon gikan sa Bachelor of Early Childhood Education o BECED program maoy nakakuha sa unang puwesto sa elementary level uban sa 95% rating.
Nasulod usab sa Top 10 si Sophia Acquin A. Parista sa BECED ug si Elkan T. Salumintao sa Bachelor of Elementary Education o BEED, nga parehong nakakuha sa ikalimang puwesto uban sa 93.80% rating.
Samtang si Shekinah Philline J. Sayson gikan sa BEED program nakapuwesto sa ikawalong dapit uban sa 93.20% rating.
Sa secondary category, si Ian Fherd S. Tamong gikan sa Bachelor of Physical Education o BPED program nakasulod usab sa Top 10 pinaagi sa pagkuha sa ikawalong puwesto uban sa 93.60% rating.
Ang maong resulta nagpakita sa padayon nga kalig-on sa College of Education sa BukSU sa pag-andam sa mga estudyante alang sa licensure examination ug sa propesyon sa pagtudlo
Photo Courtesy: BukSU
