Gitudlo sa International Criminal Court (ICC) isip bag-ong legal counsel ni kanhi Pangulong Rodrigo Duterte si Peter Haynes, sa himuon unyang pagtaral kaniya sa International Criminal Court (ICC) tungod sa alegasyong crimes against humanity.
Usa siya ka prominenteng British barrister nga nag-specialize sa international criminal law ug human rights. Nagsilbi kaniadtong pangulo sa ICC Bar Association ug duna na’y kapin sa 30 ka tuig nga kasinatian kondiin mipatim-aw na siya sa International Criminal Court (ICC), sa International Criminal Tribunal for the Former Yugoslavia (ICTY) ug sa Special Tribunal for Lebanon (STL).
Nagsilbi siyang abogado ni Joseph Kony – usa ka Ugandan militant ug warlord nga maoy nagmugna sa Lord’s Resistance Army. Nahimo siyang inila tungod sa pag-secure og pinasahing acquittal kang Congolese leader Jean-Pierre Bemba sa ICC gikan niadtong tuig 2010 hangtud 2018.
Siya usab ang nagdepensa kang Serbian general Vinko Pandurević sa Bosnia, ngadto sa International Criminal Tribunal for the Former Yugoslavia kon ICTY tungod sa iyang papel sa 1995 Srebrenica massacre. Gawas pa kini sa pagrepresenta niya sa mga biktima sa Beirut bombing partikulat sa 2005 assassination ni Lebanese Prime Minister Rafik Hariri atubangan sa Special Tribunal for Lebanon kon STL.
Siya na ang muhulip kang Nicholas Kaufman isip abogado o representante ni Duterte sa ICC trial tungod sa alegasyong crimes against humanity may kalambigitan sa anti-drug campaign dinhi sa nasud
Photo Courtesy: International Criminal Court
