Namahayag si Akbayan Rep. Perci Cendaña, nga dili angayan nga hatagan og protective custody sa senado si Sen. Bato Dela Rosa batok sa warrant of arrest sa International Criminal Court (ICC).
Gipanghimug-atan ni Cendaña nga tataw nga pugante sa international law si Dela Rosa ug kinahanglang manubag sa mga krimen nga iyang nahimo batok sa katawhang pilipino.
Gipasabot ni Cendaña nga ang pagpasilong sa senado sa usa ka pugante, usa ka matang sa inhustisya sa mga biktima.
Tungod niini, gihagit ni Cendaña si Senador Bato nga ipakita ang kaisog nga iyang gipanghambog.
Matod ni Cendaña nga maayong mohunong na si Dela Rosa sa pagtago-tago, sama sa ilaga sa usa ka dapit ug mogawas sa iyang gitagoan aron mosurender ug atubangon ang mga kaso ug responsibilidad ubos sa gubat batok sa illegal nga drugas.
Photo courtesy: Daily Tribune
