Mipadayag ang aktor nga si Gerald Anderson nga gipili niya nga magpabiling single karon aron mas mapalambo pa ang iyang kaugalingon ug maandam ang kaugmaon nga iyang gitinguha.
sa usa ka interbyo giingon ni Anderson nga gusto niyang mahimong mas maayong partner, anak, igsoon ug provider.
Matod pa sa aktor, naka-focus siya karon sa pag-andam sa klase sa kinabuhi nga gusto niyang maabot sulod sa sunod lima ka tuig.
Dugang pa niya, importante nga magsugod siya karon sa paghulma sa “best version” sa iyang kaugalingon pinaagi sa pag-focus una sa self-growth.
Si Anderson kaniadto nalambigit sa relasyon sa aktres nga si Julia Barretto, apan niadtong miaging tuig gikompirmar nga nagbulag na ang duha.
Photo Courtesy To: TMDB
