Gimandoan sa Bangko Sentral ng Pilipinas (BSP) ang mga bangko ug mga kompanya sa pagbayad nga palig-onon ang mga seguridad alang sa mga QR-enabled payments ug merchant accounts taliwala sa paningkamot nga mapugngan ang risgo sa money laundering, pagpanglimbong, ug ilegal nga kalihokan sa panalapi.
Sa Memorandum M-2026-017, giingon sa central bank nga ang mga BSP-supervised institutions (BSIs) kinahanglang masiguro nga ang pag-abli og account (onboarding), pag-monitor sa mga negosyante (merchant monitoring), ug ang mga pamaagi sa pagbayad nagpabilin nga epektibo ug sibo sa risgo samtang nagkadako ang paggamit sa digital payments ug QR transactions.
Kini nga kamatuoran nahisubay sa Republic Act 11127 (National Payment Systems Act) ug Republic Act 9160 (Anti-Money Laundering Act) aron mapanalipdan ang integridad ug seguridad sa sistema sa pagbayad sa nasud. Gihatagan og gibug-aton sa BSP nga ang mga pamaagi sa pag-abli og account ug ang padayon nga pag-monitor kritikal aron masiguro nga ang relasyon sa kustomer nahiuyon sa deklaradong katuyoan ug dili magamit sa ilegal nga mga buluhaton sama sa “mule merchants” o sayop nga paggamit sa mga QR code.
Photo courtesy: Mind Gate Solution
