Nahagsa sa halos 31% ang foreign direct investments (FDI) nga misulod sa Pilipinas niadtong Pebrero. Base sa preliminary data sa Bangko Sentral ng Pilipinas (BSP), mikunhod og 30.99% sa 590 milyones dolyares ang foreign direct investment net inflows niadtong Pebrero gikan sa 855 milyones dolyares sa kaparehong buwan niadtong nakalabay nga tuig.
Ang foreign direct investments ang mahinungdanong puhunan gikan sa mga langyaw tungod kay kini napadulong sa mga aktuwal nga proyekto o misulod mismo sa mga lokal nga kompanya ug dili basta bakwion sa panahong dunay kagubot sa kalibutan o geopolitical tensions.
Bisan paman niini, mas taas ang foreign direct investments nga misulod niadtong Pebero sa 33.18% kumpara sa 443 milyones dolyares nga natala niadtong Enero.
Segon sa BSP, ang Estados Unidos ang pinakadakong gigikanan sa FDI niadtong Pebrero. Pinakadakong parte usab sa puhunan ang napadulong sa mga kompanyang anaa sa financial ug insurance activities
Photo Courtesy: BSP
