Usa ka driver sa Massachusetts ang nakuratan human kini gidala sa iyang Waze GPS sa tunga-tunga sa usa ka golf course imbes sa kalsada.
Nahitabo ang insidente bandang alas 2:00 sa kadlawon human gihatod sa drayber ang iyang mga higala.
Tungod sa kangitngit, wala makabantay ang driver nga didto na diay siya nagdagan sa sixth hole sa golf course hangtod nga na-stuck ang ligid sa iyang sasakyan.
Sumala sa Newton Police, dili hubog ang driver ug wala usab silay nakitang kadaot sa maong dapit o sa sakyanan.
Nagpahinumdom ang mga pulisya nga mas maayong mosalig sa kaugalingong mga mata kaysa sa GPS kon sa tan-aw nimo padulong na ka sa dapit nga dili angay agian.
Photo Courtesy: Dunya news
