Patay ang tulo ka hikers human sa pagbuto sa bulkan nga Mount Dukono sa Indonesia kaniadtong Biyernes, Mayo 8, 2026. Sumala sa mga rescuers, naluwas ang tanang survivors gikan sa grupo sa 20 ka hikers nga una nang nawala human sa pagbuto sa bulkan.
Kadaghanan sa grupo nakahawa na gikan sa kabukiran, apan nagpabilin ang duha ka sakop aron motabang sa pagpangita sa mga nahibiling lawas sa mga namatay.
Matod sa mga otoridad, misaka ang grupo, lakip ang siyam ka Singaporeans nga nagpadulong sa bulkan bisan pa sa kasamtangang climbing ban sa maong lugar.
Base sa Volcanological Survey sa Indonesia, nibuto ang bulkan alas 7:41 sa buntag lokal nga oras ug mibuga og baga nga abo ngadto sa kahanginan.
Ang Mount Dukono giila isip usa sa labing aktibong mga bulkan sa Indonesia ug usa usab ka popular nga destinasyon sa mga hikers ug turista.
Photo Courtesy: Kanal 13
