Padayon nga gibantayan sa mga financial analyst sa tibuok kalibutan ang giplanohang summit tali ni Presidente Donald Trump sa Amerika ug Presidente Xi Jinping sa China tungod sa posible nga epekto niini sa global nga ekonomiya. Gilauman nga hisgutan sa duha ka lider ang relasyon sa pamatigayon tali sa ilang nasud.
Sumala sa mga eksperto, posible nga maapektuhan sa maong summit ang pagpahamtang sa tariffs o buhis sa mga imported nga produkto, ilabina sa sektor sa teknolohiya, manufacturing, ug agrikultura.
Matod pa sa mga analyst, kung mahimong positibo ang resulta sa summit, mosaka ang pagsalig sa mga investors ug mobalik ang kalig-on sa pipila ka merkado sa kalibutan. Apan kon magpadayon ang tensyon tali sa Amerika ug China, posible nga makaapekto kini sa presyo sa mga produkto internasyonal nga negosyo.
Photo Courtesy: The White House
