Patay ang usa ka pulis, samtang laing pulis usab ang na angol, human sa nahitabong engkwentro atol sa gilusad nga drug buy bust operation sa Sitio Cayutan, Purok 2, Barangay Cagniog sa Surigao City alas 10:30 kagabie.
Ang namatay giila nga si PSSG Charito J. Gepulla, 38-anyos nga residente sa Barangay Magallanes, Claver, SdN, samtang samdan si Pat John Paul M. Lesmoras, 26 anyos nga residente sa Lenentian, Cantilan, Surigao del Sur.
Subay sa report, nagpahigayon og anti-illegal drugs operation ang mga personahe sa SDN PDEU, batok sa suspek nga nailing si alias Ronron Maturan nga adunay Facebook name nga “Chicano Ributa,” ug subject sa PDEA pre-operation.
Matod pa, human sa drug transaction ug bisan nakaposas na ang target, nailog gihapon niini ang service firearm ni PSSG Gepulla ug gipusil ang operatiba nga miigo sa tuo nga bahin sa tiyan sa biktima.
Atol sa kagubot, misulay pagsikop ang mga intel operatives sa suspek apan gipusil usab niini si Pat Lesmoras, nga naigo sa wala nga tuhod ug tuo nga bukton, rason nga gidala sa balay tambalanan alang sa seryosong medikasyon.
Samtang padayon karon ang manhunt operation sa kapulisan batok sa maong suspek samtang gilusad usab ang mga checkpoint sa mga posibleng exit routes aron mapugngan ang pag-ikyas niini.
Photo Courtesy: Surigao City PS
