Patay ang High Value Individual o HVI, dihang nadakpan sa gilusad nga buy bust operation sa Surigao City, human giatake sa iyang gihambing balati-an kagahapon.
Sumala sa Drug Enforcement Unit, pasado alas 4:45 sa hapon sa dihang ilang gipahigayon ang lehitimong anti-illegal drugs operation sa Rizal Street, Barangay Washington, Surigao City, positibong napalitan sa illegal nga druga ang suspek nga si Rossano Libarnes Ilagan alyas “Keef,” 57-anyos, residente sa nahisgutang brgy.
Apan human mapusasan, kalit lang kini nga giatake ang suspek ug naglisod sa pagginhawa nga maoy hinungdan nitawag og ambulansya ang mga operatiba aron madala kini sa Caraga Regional Hospital alang sa medikasyon.
Bisan pa sa kahimtang sa suspek, gipadayon gihapon sa kapulisan ang standard operating procedure pinaagi sa pagpahigayon sa drug inventory sa mga ebidensyang narekober gikan sa posisyon sa suspek gawas sa tambalanan.
Diin nakuha sa operasyon an 11 ka plastic sachet sa shabu, usa ka ₱1,000 bill nga gigamit isip buy bust money, ug cellphone nga gigamit sa transaksyon.
Samtang ana-a sa tambalanan ang suspek, wala na matabang pa sa mga attending physician ug gideklarang patay pipila ka oras gikan sa pagdala.
Photo Courtesy: Surigao City PS
