Usa ka lalaki gikan Uzbekistan ang na-deport gikan sa Russia human lang sa iyang “fashion review” sa usa ka women’s leather skirt online.
Ang lalaki nga nailhang si Islomjon nag-post og review sa usa ka online shopping app uban sa iyang litrato nga nagsul-ob og palda. Sa iyang comment, niingon siya nga “maayo kaayo ang palda kay natabonan pati iyang pagkalalaki”
Apan murag wala malingaw ang mga otoridad sa Russia sa iyang joke. Bisan og iya nang gi-delete ang post ug litrato, gidakop gihapon siya tungod sa alegasyon nga nagpalapnag kuno og “non-traditional sexual preferences” nga supak sa balaod sa nasud.
Nangayo pa unta ang lalaki nga multa lang ang ipataw ug dili siya ipa-deport, apan wala kini dawata sa korte. Tungod niini, gisentensyahan siya og lima ka adlaw nga detensyon ug dayon gipapahawa sa Russia.
Busa para sa uban, lesson learned—dili tanang outfit review safe i-post online, ilabina kung palda ang gi-review!
Photo courtesy: Oddity Central
