Nag-atubang og dakong pagsulay ang Philadelphia 76ers sa ilang Eastern Conference semifinal series batok sa New York Knicks, human naangol ang ilang superstar nga si Joel Embiid. Sumala sa Sixers, nakasinati si Embiid og hubag sa iyang tuo nga bat-ang ug right ankle sprain, nga posibleng makaapekto sa iyang performance sa sunod nga mga dula.
Dakong kawad-on kini sa Philadelphia, tungod si Embiid maoy nahimong yawe aron mapildi nila ang Boston Celtics sa unang hugna sa playoffs. Kahinumduman, nga niaging Abril, miagi usab si Embiid og emergency appendectomy apan nakabalik gihapon dayon sa pagdula atol sa serye kontra Celtics.
Bisan pa sa iyang kahimtang, padayon gihapon nga dako ang kontribusyon sa maong NBA star nga adunay average nga 28 puntos matag dula. Sa karon, naghulat ang mga fans kung makahimo ba si Embiid nga makapadayon sa serye samtang gitinguha sa 76ers nga makalusot paingon sa Eastern Conference Finals.
Photo Courtesy: AP news
