Nasikop ang duha ka gitudlong drug personalities, sa gilusad nga buy-bust operation sa kapulisan sa Purok Waling-Waling, Poblacion 2, Midsayap, Cotabato, niadtong Mayo 7, 2026.
Nasakmit gikan sa mga suspek ang gibanabana nga 3.35 gramos sa gidudahang shabu nga adunay kantidad nga P22,780.00, lakip na ang drug paraphernalia ug buy-bust money nga 500 pesos.
Gihimo dayon sa mga otoridad ang inventory sa ebidensya atubangan sa mga required witnesses samtang gipahibalo usab sa mga suspek ang ilang constitutional rights ubos sa Miranda Doctrine.
Kasong paglapas sa RA 9165 o Comprehensive Dangerous Drugs Act of 2002, ang giandam batok sa mga nadakpan alang sa pormal nga pagsang-at sa piskalya.
Matod ni PCOL Ramel Hojilla, Acting Provincial Director sa CPPO, padayon ug lig-on ang kampanya sa PNP batok sa ilegal nga droga aron mapadayon ang kalinaw ug kaluwasan sa komunidad.
Photo Courtesy: The Guardian
