Gipasidunggan sa Senate of the Philippines ang P-pop girl group nga BINI atol sa plenary session human sa ilang makasaysayang performance sa Coachella Valley Music and Arts Festival.
Ang pagpasidungog gihimo ubos sa Senate Resolution No. 370 nga gisulong ni Bam Aquino isip pag-ila sa kalampusan sa grupo sa internasyonal nga entablado.
Mitambong sa sesyon ang mga miyembro sa BINI nga sila Jhoanna, Maloi, Colet, Mikha, Aiah, Sheena, Stacey ug Gwen aron dawaton ang opisyal nga pag-ila gikan sa Senado.
Ang maong pagpasidungog miabot hapit usa ka bulan human sa ilang debut performance sa Coachella, nga giila isip usa sa labing dagkong music festivals sa tibook kalibotan.
Photo credits: Philstar
