Gipahibalo sa mga opisyal ug eksperto sa Argentina nga sa karun padayon ang ilang mga paningkamot sa pag-imbestiga kabahin sa posibleng gigikanan sa makamatay nga sakit nga Hantavirus Pulmonary Syndrome.
Kahibaloan nga ang maong sakit nagsugod sa usa ka cruise ship sa Atlantiko ug nagresulta sa pagkamatay sa pipila ka mga indibidwal. Lakip sa ilang ginasusi karun nga kung ang ilang nasud ang ang unang naggikan sa maong sakit, diin gipahibalo usab nga taas na ang pagsaka sa mga kaso sa hantavirus sa Argentina.
Sumala sa mga eksperto, ang mas taas nga temperatura ug pagbag-o sa ekosistema nagresulta sa pagdaghan ug pagpalapad sa lugar nga gipuy-an sa mga ilaga nga nagdala sa maong virus. Ang mga tawo kasagarang mataptan pinaagi sa exposure sa hugaw, ihi, o laway sa mga ilaga.
Matod ni prominent Argentine infectious disease specialist Hugo Pizzi nga nagkadako ang posibilidad nga mosamot pa ang pagkaylap sa hantavirus sa umaabot nga mga tuig tungod sa climate change.
Samtang gipaklaro usab sa World Health Organization nga ubos ra gihapon ang risgo niini, apan padayon ghapon ang pagbantay sa mga otoridad batok sa posible nga dugang nga pagkaylap sa maong sakit.
Photo Courtesy: Inquirer
