Nadakpan sa mga personahe sa Mati City Police Station uban sa laing mga operatiba ang usa ka lalaki atol sa gikasang operasyon didto sa Brgy. Central, Mati City, Davao Oriental pasado alas 4:00 sa hapon niadtong Mayo 6, 2026.
Ang suspek naila nga si alyas Rody, 38-anyos, minyo, usa ka panday ug residente sa maong lugar.
Giaresto ang suspetsado pinaagi sa pagpatuman sa Warrant of Arrest alang sa kasong Acts of Lasciviousness maykalabotan sa R.A. 7610 (Special Protection of Children Against Abuse, Exploitation and Discrimination Act) nga adunay pyansang girekomendar ang korte nga mukabat sa Php 80,000.00 alang sa iyang temporaryong kagawasan.
Sa pagkakaron gikustodiya na sa Mati City Police Station ang dinakpan alang sa hustong disposisyon.
Photo Courtesy: Mati CPS
