Gisuportahan sa Department of Energy (DOE) ang mga sugyot nga suspendihon, pakunhuran, o tangtangon ang value-added tax (VAT) sa kuryente, isip tubag sa nagkataas nga presyo sa power bills ug pagtaas sa inflation sa nasud.
Sa pahayag niadtong Mayo 5, miingon ang DOE nga andam sila mohatag og teknikal nga suporta ug pag-analisa sa posibleng epekto sa bisan unsang tax measure sa sektor sa enerhiya. Giinahan sa ahensya nga tumong nila ang pagsiguro sa “secure, reliable, ug affordable electricity” para sa mga Pilipino.
Apan gipasiugda usab sa DOE nga ang desisyon sa buhis naa gihapon sa Department of Finance ug Kongreso, nga mao’y responsable sa pagtan-aw kung ang maong sugyot angay ba ipatuman.
Nahitabo kini samtang misaka ang inflation sa 7.2% niadtong Abril, pinakataas sukad Marso 2023, tungod sa pagtaas sa presyo sa pagkaon, transportasyon, ug utilities. Daghang household ang nakasinati usab og pagsaka o halos pagdoble sa ilang electric bills gikan Marso hangtod Abril.
Sumala sa DOE, dugang sa tax relief, kinahanglan usab ang long-term nga reporma sa energy sector sama sa pagpaayo sa power generation, grid reliability, ug kompetisyon sa industriya aron makab-ot ang mas stable ug barato nga suplay sa kuryente.
Photo Courtesy: PHILSTAR
