Nagdeklarar ang Russian army og “unilateral ceasefire” sa Ukraine. Sumala sa Russian Defense Ministry, mahimong epektibo kini taliwala sa Mayo 8 ug 9 dungan sa paghandum sa World War II Victory Day.
Sa usa ka pamahayag, giingon sa ministry nga kini subay sa desisyon sa Supreme Commander-in-Chief sa Russian Armed Forces nga si Russian President Vladimir Putin. Ingon man, gipahayag sa Russia nga kini alang sa mga humanitarian considerations ug aron mahatagan og dalan ang mga selebrasyon sa Victory Day.
Bisan pa niini, magpabilin nga anaa sa defense position ang mga puwersa sa Russia ug nagbahad og bug-at nga tubag kung pananglitan lapason sa Ukraine ang ceasefire.
Sa bahin usab sa Ukraine, nagpahayag kini og kaugalingong hunong buto gikan Mayo 5 hangtod 6 apan giisip nila nga dili seryoso ang tanyag nga ceasefire sa Russia. Ang Victory Day karong tuiga sa Russia ang ika-81 nga anibersaryo sa kadaugan sa Soviet Union batok sa Nazi Germany niadtong World War II.
Photo courtesy: Al Jazeera
