Mas giprioridad karon sa mga Pilipino ang mas lapad nga puy-anan ug sakyanan nga angay sa pamilya, sumala sa report sa Metrobank.
Matud sa report, ang mga mangutang mas mipili og house-and-lot kaysa condo, bisan pa sa padayon nga pagsaka sa “vertical living” sa mga dakong syudad. Kini nagpakita sa dugay nang pangandoy sa mga pamilya nga makapanag-iya og yuta ug mas dako nga espasyo para sa multigenerational nga pagpuyo.
Gisuportahan usab kini sa datos sa Bangko Sentral ng Pilipinas nga nagpakita nga ang pagpanag-iya og property nagpabilin nga pundasyon sa financial security sa mga panimalay sa nasud.
Sa sakyanan, mas gipili na karon sa mga Pilipino ang SUV kaysa sedan tungod sa mas dako nga kapasidad ug gamit para sa pamilya. Misaka usab ang demand sa pickups ug vans nga gipili alang sa kalig-on ug praktikal nga paggamit sa adlaw-adlaw.
Sumala sa Metrobank, kasagaran sa maong mga desisyon gihimo dili lang sa indibidwal kundili sa tibuok pamilya, samtang ginabalanse usab ang mga gasto sama sa emergency savings, healthcare, ug nagkataas nga panginahanglan sa adlaw-adlaw nga kinabuhi.
Photo Courtesy: Philrealty
